नेपाल स्रष्टा समाजद्वारा दुई कृतिको लोकार्पण

काठमाडौँ–नेपाल स्रष्टा समाजले आज मङ्सिर १३ गते, बिहान राजधानीमा आयोजित विशेष कार्यक्रममार्फत दुई महत्वपूर्ण कृतिहरू— ‘दार्चुला : कला–साहित्य’ र ‘किशनसिंह धामी : व्यक्ति र कृति’ —को भव्य लोकार्पण सम्पन्न गरेको छ।

कार्यक्रमका सभाध्यक्ष श्री ओम श्रेष्ठ ‘रोदन’, प्रमुख अतिथि नगेन्द्रराज शर्मा, कृतिकार नेत्रप्रसाद फुयल र किशनसिंह धामी, तथा समीक्षकद्वय प्रमोद प्रधान र डा। भरत भट्टराईलगायत साहित्यकारहरू— पवन आलोक, लक्ष्मणप्रसाद गौतम, खगेन्द्रप्रसाद लुइंटेल, ज्ञानु अधिकारी—ले संयुक्त रूपमा कृतिहरू सार्वजनिक गरेका थिए। लोकार्पण समारोहमा उपस्थिति दर्शक तथा साहित्यानुरागीहरूलाई दुवै कृतिको निस्शुल्क वितरण गरिएको थियो, जसले कार्यक्रमको उत्साह झनै बढाएको थियो।

समाजका सचिव प्रकाश घायलले अतिथि तथा सहभागीप्रति स्वागत मन्तव्य व्यक्त गर्दै साहित्यिक समाजप्रति समर्थन र सद्भाव निरन्तर रहने विश्वास व्यक्त गरे। कार्यक्रममा मञ्चमा आसिन विद्वत् व्यक्तिहरू— ज्ञानु अधिकारी, प्रा.डा. लक्ष्मणप्रसाद गौतम, प्रा.डा. खगेन्द्रप्रसाद लुइंटेल, समाजका संरक्षक पवन आलोक, डा. तारा निरौला—ले पनि आ–आफ्ना शुभकामना मन्तव्यहरू प्रस्तुत गरेका थिए ।

कार्यक्रमका सञ्चालक प्रदीप सापकोटाले प्रत्येक वक्तालाई दुई–दुई मिनेटको समय निर्धारण गरेका थिए तर अधिकांश वक्ताहरूले साहित्यप्रतिको भावुकता र उत्साहसहित निर्धारित समयभन्दा केही बढी नै बोलेका थिए, जसले सभालाई थप रोचक र जीवन्त बनायो।

समीक्षात्मक सत्रमा ‘दार्चुला : कला–साहित्य’ बारे समीक्षक प्रमोद प्रधानले र ‘किशनसिंह धामी स् व्यक्ति र कृति’ बारे डा। भरत भट्टराईले विस्तृत विश्लेषण प्रस्तुत गर्दै दुवै कृतिको साहित्यिक महत्व, ऐतिहासिक पृष्ठभूमि र कृति–दृष्टिकोणबारे प्रकाश पारे।

कार्यक्रम प्रारम्भ हुनु अघि सुदूरपश्चिम नेपालको सांस्कृतिक झाँकी प्रस्तुत गरिएको थियो, जसले सहभागीहरूलाई क्षेत्रीय कला–संस्कृतिको आकर्षक झलक प्रदान गरेको थियो र समारोहको सौन्दर्यमा थप रंग भरेको थियो।

यसरी, साहित्य, संस्कृति र सिर्जनशील चेतनाले भरिएको कार्यक्रम शानदार रूपमा सम्पन्न हुँदै दुवै कृतिले नेपाली साहित्यमा नयाँ उचाइ थप्ने अपेक्षा व्यक्त गरिएको छ।